رابط الفيس بوك

رابط تويتر

قناة اليوتيوب

رابط خدمة rss لاخبار ميثاق


الأخبار
ثقافة
قصيدة ابن سلمان امام سمو امير المنطقة في حفل استقبال سموه بمحافظة الحائط
قصيدة ابن سلمان امام سمو امير المنطقة في حفل استقبال سموه بمحافظة الحائط
قصيدة ابن سلمان امام سمو امير المنطقة  في حفل استقبال سموه بمحافظة الحائط
الشاعر سالم سلمان


(اقطع يميني كان منته شاعر ومن بحرا غزير)
26 صفر 1434 09:44
حائل نيوز : ( خاص )
ألقى الشاعر سالم بن سلمان " شاعر التميز " قصيدة ترحيبية أمام صاحب السمو الملكي الأمير سعود بن عبد المحسن أمير منطقة حائل بحضور صاحب السمو الملكي الأمير عبد العزيز بن سعد نائب أمير منطقة حائل في حفل استقبال سموه إثناء زيارته التفقدية وافتتاح عددا من المشاريع في محافظة الحائط وحظيت بإعجاب سموه وسمو نائبه مما جعل سمو النائب يقدم ساعته الخاصة هدية تذكارية للشاعر سالم بن سلمان .
وتشرفت صحيفة حائل نيوز بنشرها لقرائها الكرام :

ذكر الحياء والغانمين يبين والموقف كبير=والارض فرحت بالحياء والسيل سقا شعابها 
من راس راس الراس الابيض لاورى واد الجرير=كل المناطق رحبت بك واعتمد ترحابها
والوسم بكر مع سلامة قائد الجمع الغفير=زعيم قادتنا وقواد العرب واحزابها
مليكنا اللي دام هو بخير حنا بالف خير=الله يعز ال سعود ويرحم ابوِ جابها
معزي اللي عزز الوحدة و وحد بالمسير=وحد صفوف المسلمين وللهدى صلابها
اليوم هذا غير والحائط بهذا اليوم غير=لبست خلاخيل الفرح واغلا الباس اثيابها
اليوم هذا عيد في مقدم سموك يالامير=ياحي امير المنطقة والدار واللي جاء بها
ونائب سموك مرحبا به حي هالسيف الشطير=حي السيوف اللي معزتها بعز انصابها
وانا محمل لي بامانه حجمها ما هو صغير=والشعر بلوى كم شاعر وقفته يبلابها
ان ما تجمل بالحكومة والوطن ما فيه خير=سد الفراغ ولاحفظ نفسه ولا ضحابها
ويا سيدي ماني الفرزدق بالقصيد ولا جرير=لكن شاعر ما يفشل لحيتك واشنابها
وابشرك اني على خبرك والمنبر خبير=بمقابل ال سعود عماني فديت اترابها
لجيت منصة شعر وانتم امامي استثير=اغلا شعوري لين احضرها واعن اركابها
الشعر فيكم له طعم حالي وله ملمس حرير=وله هيبةٍ من هيبة ال سعود كلن هابها
ادخل على الله لاتلحقني ملامة يالامير=احلم ترى الشعار بالمنبر تفور اعصابها
لا تلومني يا سيدي بوي الاول والاخير=وانا ولدك تحت رايتك و وسط محرابها
اخاف من نقدك لانك يا بعد راسي سفير=من بيت شعر ومن شواعير حسبت احسابها
اقطع يميني كان منته شاعر ومن بحرا غزير=يامير جاك العلم والشكة قفلنا ابوابها
يا اخوي بدر للشعر والشعار مجال يسير=يحق للشعار ما لا يحق لكتابها
ابعلمك بالسالفه يا أمير في وقت قصير=الدار مثل القافله وانا احد ركابها
وانا دعاني رئيس المركز واثر عنده شوير=منسقين لجيتك برنامج يحلا بها
معه ابو نايف لطيف راعي الراي البصير=رئيس بلدية وصاحب حنكةٍ يحكابها
قالو اقرينا انك تشارك وما قدر يصير=منته مضريها على الهيبة ولاتضرابها
وقالو ابرك لحملك تراك بعير وما غيره بعير=وانا متوني طال عمرك ما أرتخى هندابها
وقالو لي اسمع كان ما جملتنا بئس المصير=قلت ابشرو ثم ابشرو والنار من شبابها
وترى اعذب الشعر أكذبه لا مؤاخذه فيما يثير=الحمل في ظهر الجمل وأغلا الحموله جابها
واتى الجمل بما حمل ولا رغى ولا هدير=والحمل كله خير قصيدة وجييت ابدابها
ما عندي الا مرحبا ترحيب مالك به خشير=يا مرحبا ترحيبة ماقابلك الا بها
تستاهل التحية العطره وهالجمع القدير=يا مرحبا الترحيبه اللي كل شخص او حابها
يا ابو التطور والحضارة والشموخ المستنير=من حكمة ال سعود وسلوم العرب وأدابها
جيت سموك عندنا تعني لنا الشي الكثير=تاريخ لابراء ذمتك بزيارتك واسبابها
ان الشخوص يبرر الموقف ويانعم المسير=ورعيتن ما خلفها راعي يبى يغدابها
وجيتك من نزاهتك مشكور ياحي الضمير=أديت امانة منطقة حائل بكل ادابها
ابشرك راضين عنك وندعي الله لك الخير=يادرع حائل يا ذرا حائل و رؤس اهضابها
حاتم فنى والله رزقنا بحاتم مثله وخير=يا حاتم الثاني كسبت المنطقة واعجابها
والعذر من راسك هذا مطلبي فقط لاغير=والله يعز ال سعود ويرحم ابو ٍ جابها

صور من الأرشيف.

image

image

image

image

تعليقات 10 | إهداء 0 | زيارات 2551


تعليقات الفيسبوك

خدمات المحتوى
  • مواقع النشر :
  • أضف محتوى في Digg
  • أضف محتوى في del.icio.us
  • أضف محتوى في StumbleUpon
  • أضف محتوى في Google


التعليقات
[المغترب]
0.00/5 (0 صوت)

والله تسلم يااااابو سلمان


[الحقيقة واضحة]
0.00/5 (0 صوت)

سالم السلمان شاعر متمكن ... ومميز

ولكن نقد هادف اذا امكن النشر

شاعر مميز مبدع لا يجيد الحفظ !!!!


[حائلي]
0.00/5 (0 صوت)

شعر حقيقي ومفردات لا تاتي الا من شاعر


[العنود]
0.00/5 (0 صوت)

يا ولي فديته هو وشعره
علموني وهو متزوج الا لا

بس لويعمنا بالطياره كان احسن كلموه خلوه يرسلها


[ابو مشعل]
0.00/5 (0 صوت)

بيض الله وجهك يا سالم وعساك سالم بيضت وجه وطنك وقبيتك اشهد بالله انك كفو


[حائطي وافتخر]
0.00/5 (0 صوت)

تسلم يا شاعر محافظة الحائط وعساك على القوة


[ابو وليد]
5.00/5 (1 صوت)

حي هالطله عز الله انك تنومس

تحياتي لك

اخوك ابو وليد ولو اقابلك بالمحاورة لا ..... ههههههه احسنت ابداع يا ابو سلمان


[ابو محمد]
0.00/5 (0 صوت)

زين يا حائل نيوز توكم طلعتوها ههههههههههههههه عموما مشكورين بعد ترجي
لكن المفروض سالم ما يعطيكوبها لكنو تاخرتو فيها
تسلم سالم ومشكور يالذيب


[الشاهد]
0.00/5 (0 صوت)

سلمت على كل حائل والوقف صغير

http://yhail.net/uup//uploads/images/yhail.net-683f9673c0.jpg

تسلم يا ذرى وطنا والكبير صغير الا ال سعود هم ذرنا والسند


[سعود بن معدي]
5.00/5 (1 صوت)

الاخوان الكرام سبقوناء بالثناء والمديح لو كانت القصيدة ماتستاهل والله ما احد يضيع وقتة يكتب ياكثر القصايد والشعار الى كتبت قصايدهم بمواقع الشعر او الحفلات ومرو مرور الكرام الناس تعرف الشعر ولا يصح الا الصحيح تستاهل .

اهنيك بهذا التفاعل من القراء الاعزاء واخواتناالقارئات العزيزات .

اتمنى انزال القصيدة مسجلة بصويتك متأكد ستكون قصيدة مخالفة لما قراناة .

ولكم خالص تحياتي

ابو يزيد


[سالم الحمد]
0.00/5 (0 صوت)

شاعر يستحق الإشادة بجهودة الشعرية

على مستوى المنطقة وعلى مستوى دول الخليج العربي

ولا هي غريبة على شاعر رائع مبدع وهذا يعتبر قليل من كثير

وبمعنى الأصح شاعر أبن شاعر وعمه شاعر وخاله شاعر


ونأمل منه المزيد والمزيد

وله تحيااااااااااتي


تقييم
10.00/10 (2 صوت)

Free counter and web stats

Powered by Dimofinf cms Version 3.0.0
Copyright© Dimensions Of Information Inc.
جميع الحقوق محفوظة لصحيفة حائل نيوز الالكترونية
الرئيسية |الصور |المقالات |الأخبار |راسلنا | للأعلى
get firefox
Copyright © 1435 www.yhail.net - All rights reserved
designed by vadecom